шекараның демилитарландырылуы

(Демилитаризация границ)

халықаралық келісімшарттар негізінде шекараға жанасып жатқан қарулы күштерді жер аумағынан шығару және осы аймақтағы бекіністер мен құрылыстардың салынуына тыйым салу. Толық немесе шектеулі болуы мүмкін. Ш.д. өзара шекаралас екі мемлекет сол аумақта қарулы күштер, қарулы бекіністер ұстамауға немесе оларды шектеулі мөлшерде ұстауға (мемлекет шекарасының күзетін қамтамасыз ету қажеттілігінен басқа) міндеттеме алатын халықаралық келісімшарт негізінде жүзеге асады. Шекараны толық демилитарландыруда тиісті шаралар сол мемлекетпен жанасқан шекараның бүкіл ұзындығы бойында, ал жарым-жартылай демилитарландыру оның жеке өңірлерінде жүргізіледі.